sifar...

tum ishq bhi
panaah bhi
sukoon bhi
jahaan bhi
kabhi aankhein bhar aayein to
ashq me chhipa samaa bhi
us ret ke baadal me lipti
anchahi lehron ka jahaan bhi
aur har simt chalti meri saanson ki
pal pal kehti dastaan bhi
main pyasa tum pyaala
main mureed tum rehnuma bhi
zindagi ke is caaravan me
tum manzil tum raasta bhi....

vo...

usse sapne dekhna pasand hai
mujhe sapnon me vo..
usse barish pasand hai
mujhe baarish me vo..
usse hasna pasand hai
mujhe hanste hue vo..
usse ye sab pasand hai
mujhe pasand hai to itne sab me sirf vo.....